Бугун, 9 июль куни Ўзбекистонда муддатидан аввал президентлик сайлови бўлиб ўтмоқда. Мазкур сиёсий жараёнда нафақат аҳоли, амалдорлар ҳам фаоллик кўрсатиб, фуқаролик ҳуқуқидан фойдаланмоқда. “Дарё” мазкур жараёнда кўриниш берган ҳокимлар суратини жамлади.
Тошкент шаҳри ҳокими Шавкат Умрзоқов пойтахтнинг Юнусобод туманидаги 434-сайлов участкасида бўлиб, овоз бериш жараёнида иштирок этди.
.jpg)
.jpg)
Тошкент вилояти ҳокими Зоир Мирзаев президентлик сайловида турмуш ўртоғи ва набираси билан бирга иштирок этди.
Вилоят ҳокими Нурафшон шаҳридаги 7-сайлов участкасида бўлиб, фуқаролик ҳуқуқидан фойдаланган.
.jpg)
Сурхондарё вилояти ҳокими Улуғбек Қосимов эрта тонгдан Термиз шаҳридаги 260-сайлов участкасига ташриф буюриб, ўзи муносиб деб топган номзодга овоз берди.
.jpg)
Қашқадарё вилояти ҳокими Муроджон Азимов ҳам сайловда кўриниш бериб, жараёнга бефарқ бўлмай, фаоллик кўрсатаётганларга миннатдорлик изҳор қилди.
Ҳокимлик матбуот котиби Аҳрор Содиқовнинг “Дарё”га билдиришича, вилоят раҳбари Қарши шаҳридаги 4-сайлов участкасида овоз берган.
Сирдарё вилояти ҳокими Акмалжон Маҳмудалиев Гулистон шаҳридаги 15-сайлов участкасига ташриф буюриб, ўзи муносиб деб топган номзодга овоз берди.
Андижон вилояти ҳокими Шуҳратбек Абдураҳмонов Андижон шаҳридаги 20-сайлов участкасида бўлиб, президентлик сайловида кўриниш берди.
Фарғона вилояти ҳокими Хайрулло Бозоров Фарғона шаҳри “Шодиёна” маҳалласида жойлашган “Ишга марҳамат” мономарказида ташкил этилган 88-сайлов участкасида овоз берди.
Жиззах вилояти ҳокими Эргаш Солиев Жиззах шаҳридаги “Тошлоқ” маҳалласида жойлашган 39-сайлов участкасида бўлиб, фуқаролик ҳуқуқидан фойдаланди.
Навоий вилояти ҳокими Нормат Турсунов бугун биринчилар қаторида Навоий шаҳридаги 5-умумтаълим мактабида жойлашган 6-сайлов участкасига келиб, ўзи муносиб деб билган номзодга овоз берган.
Бухоро вилояти ҳокими Ботир Зарипов Бухоро шаҳридаги 49-сайлов участкасида овоз берди.
Қорақалпоғистон Республикаси Жўқорғи Кенгеси раиси Аманбай Ўринбаев Нукусдаги 7-сайлов участкасида оилавий кўриниш бериб, фуқаролик ҳуқуқидан фойдаланган бўлса, Қорақалпоғистон Республикаси Вазирлар Кенгаши раиси Фарҳод Эрманов эса Нукус шаҳридаги 83-сайлов участкасида овоз берган.
Изоҳ (0)