AQSH moliya vaziri Janet Yellen AQSHda Xitoy Davlat kengashi rahbari o‘rinbosari Xe Lifen bilan uchrashganda diplomatik etiket qoidalarini buzgani uchun tanqid qilindi, deb yozadi The New York Post.
Nashrning yozishicha, siyosatchi xitoylik amaldor bilan qo‘l berib ko‘rishish paytida tez-tez ta’zim qilgan. Prezident Jorj Bush ma’muriyatida ishlagan Oq uyning sobiq rasmiysi Bredli Bleykmanning aytishicha, “amerikalik amaldorlar hech qachon ta’zim qilmaydi”.
Nyu-York universiteti faxriy professori va Xitoy huquqi bo‘yicha mutaxassis Jerom Koyen ta’zim qilish qabul qilingan protokolga muvofiq emasligini ta’kidladi.
Shu bilan birga, nashr ekspertlari xitoylik siyosatchi AQSH moliya vazirining ta’zimiga yetarli darajada javob qaytarmaganiga e’tibor qaratishdi. Ular bu hodisani Amerikaning zaifligi belgisi deb atadi. Bundan tashqari, amerikalik vazir Xe Lifen ismini noto‘g‘ri talaffuz qilib, uni “bosh vazir o‘rinbosari Xu” deb atagan.
Oldinroq Yellen AQSH va Xitoy o‘rtasidagi munosabatlarga baho berib, rasmiylar o‘rtasidagi qator muzokaralardan so‘ng ular yanada mustahkam asosga ega ekanini aytgan edi.
Izoh (0)