Isroilda shanbadan yakshanbaga o‘tar kechasi huquqiy islohotlarga qarshi keng ko‘lamli norozilik namoyishi bo‘lib o‘tdi, unda 180 mingga yaqin odam qatnashdi, deb yozadi Times of Israel gazetasi.
Crowd Solutions ma’lumotlariga ko‘ra, Tel-Avivdagi namoyishda 140 mingga yaqin odam qatnashgan, tashkilotchilar esa 180 mingga yaqin odam ko‘chaga chiqqanini aytishmoqda. Bir necha o‘n minglab boshqa isroilliklar mamlakatning boshqa hududlarida o‘tkazilgan namoyishlarda qatnashdi.
Mudofaa vaziri Yoav Galantning Amikam shahridagi uyi oldiga bir necha ming zaxiradagi zobitlar to‘planib, huquqiy islohotlarga qarshi fikr bildirishga chaqirishdi. Ular yakshanba kuni tungi soat 3:00 gacha u yerda qolishdi.
Mart oyi oxirida Galant hukumatni islohotni to‘xtatishga chaqirgan Vazirlar mahkamasidagi birinchi amaldor bo‘lgandi. Namoyishchilar Quddusdagi bosh vazir Benyamin Netanyaxuning qarorgohiga ham borishgan.
Tel-Avivdagi asosiy norozilik namoyishi tugagach, ba’zi namoyishchilar shaharlararo magistral yo‘llarni to‘sib qo‘yishga harakat qilishdi, biroq politsiya ularni tarqatib yubordi.
Izoh (0)