Rossiyaning Kabardino-Balkariya respublikasida noma’lum erkak masjidda Qur’onning bir nechta nusxasini yoqib yubordi. Bu haqda BAZA xabar berdi.
Hodisa 2-iyulga o‘tar kechasi Chegem Ikkinchi qishlog‘ida sodir bo‘lgan. Erkak mahalliy masjidga borgan va Qur’on nusxalariga benzin sepib, uni yoqib yuborgan. Chegemskiy tumani rahbari Yura Borsov voqeada diniy motiv yo‘qligini aytmoqda.
“Hozirda o‘t qo‘yishda sodir etgan shaxs qo‘lga olindi va o‘z qilmishini ‘ichki ovozidagi chaqiriqlar’ bilan izohlamoqda”, — dedi rasmiy va masjiddagi yong‘in tezda o‘chirilganini aytdi.
28-iyun kuni Rossiya prezidenti Vladimir Putin mamlakatda Qurʼonga hurmatsizlik boshqa ba’zi mamlakatlardan farqli ravishda jinoyat ekanini eslatgandi.
