Xitoyning Chungsin shahrida 15 kishi kuchli yomg‘ir qurboni bo‘ldi, yana to‘rt kishi bedarak yo‘qolgan. Yomg‘ir Vanchjou hududida 3-4 iyul kunlari yog‘gan.
Tabiiy ofat natijasida 138 ta uy qulagan, 221 tasi shikastlangan. Vanchjou tumani partiya qo‘mitasi va tuman rahbariyati zarur favqulodda qutqaruv ishlarini olib bordi, deya xabar bermoqda CCTV mahalliy hokimiyat organlariga tayanib.
Shu kunlarda dunyoning ko‘plab hududlarida ro‘y berayotgan kuchli yomg‘irlar ko‘plab talafotlarni keltirib chiqarmoqda. Jumladan, 23-iyun kuni Hindiston shimoli-sharqida kuchli yomg‘ir va suv toshqini tufayli yarim millionga yaqin odam jabr ko‘rdi. Kamida bir kishi vafot etgan.
Shuningdek, iyul oyi boshida Yaponiya g‘arbidagi kuchli yomg‘irlar natijasida ikki millionga yaqin odam evakuatsiya qilindi.
Izoh (0)