Хитойнинг Чунгсин шаҳрида 15 киши кучли ёмғир қурбони бўлди, яна тўрт киши бедарак йўқолган. Ёмғир Ванчжоу ҳудудида 3-4 июль кунлари ёққан.
Табиий офат натижасида 138 та уй қулаган, 221 таси шикастланган. Ванчжоу тумани партия қўмитаси ва туман раҳбарияти зарур фавқулодда қутқарув ишларини олиб борди, дея хабар бермоқда CCTV маҳаллий ҳокимият органларига таяниб.
Шу кунларда дунёнинг кўплаб ҳудудларида рўй бераётган кучли ёмғирлар кўплаб талафотларни келтириб чиқармоқда. Жумладан, 23 июнь куни Ҳиндистон шимоли-шарқида кучли ёмғир ва сув тошқини туфайли ярим миллионга яқин одам жабр кўрди. Камида бир киши вафот этган.
Шунингдек, июль ойи бошида Япония ғарбидаги кучли ёмғирлар натижасида икки миллионга яқин одам эвакуация қилинди.
Изоҳ (0)