Fransiya g‘arbida sodir bo‘lgan zilziladan ko‘rilgan zarar miqdori taxminan 290 million yevroga baholanmoqda, deb xabar berdi mamlakat sug‘urta kompaniyalari assotsiatsiyasi.
Assotsiatsiya ma’lumotlariga ko‘ra, jami 21 625 ta sug‘urta hodisasi qayd etilgan bo‘lib, ularning katta qismi (95,9 foiz) turar-joy binolariga to‘g‘ri keladi. Bunda ko‘rilgan zarar 260 million yevroni tashkil qildi, deb xabar beradi France-Presse.
Ikkinchi o‘rinda 750 ta sug‘urta hodisasini tashkil etgan tijorat ko‘chmas mulklari joylashgan bo‘lib, yetkazilgan zarar 28 million yevroni tashkil qilgan.
Undan keyingi o‘rinlarda qishloq xo‘jaligi mulki (1,4 million yevroga 90 ta sug‘urta hodisasi) va avtomobillar (190 ming yevroga 45 ta sug‘urta hodisasi) turadi.
Fransiya g‘arbida, Kram-Shaban shahri yaqinida 16-iyun kuni Parij vaqti bilan 18:38 da zilzila sodir bo‘ldi. Uning magnitudasi 5,3 dan 5,8 gacha bo‘lgan. Zilzila so‘nggi ellik yil ichida mintaqadagi eng katta zilzila sifatida baholandi.
Izoh (0)