Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Aktrisa Muborak Abdullayeva Qurbon Hayiti ayyomida orzularidan biri amalga oshgani haqida so‘zlab berdi. U o‘sha kuni o‘zining ilk avtomobilini xarid qildi.
Xonanda Lola o‘smir qizlarni tarbiyalayotgan onalarga murojaat qilar ekan, o‘tish davrini boshdan kechirayotgan qizlar bilan murosa qilish borasida tavsiyalarini berib o‘tdi. “Bu paytda qizingizga murabbiy emas, sevimli ona bo‘ling, hozir unga sizning mehringiz har qachongidan ham kerakliroq”, — deydi xonanda.
Xonanda Malika Ravshanova turmush o‘rtog‘ining tug‘ilgan kunini qanday nishonlagani aks etgan videoni kuzatuvchilari bilan bo‘lishdi.
Teleboshlovchi, aktrisa va xonanda Xusnora Shodiyeva Angliya u borgan 27-mamlakat ekanligi haqida kuzatuvchilariga so‘zlab berdi. “12 yoshimda ingliz tili darsida o‘tirganimda, darslikni varaqlab, ilk marta Londondagi diqqatga sazovor maskanlarning suratlarini tomosha qilganman. O‘shanda jajji Xusnora kitobdagi joylarni qachonlardir o‘z ko‘zi bilan ko‘ra olishiga ishonmas edi. London men uchun o‘ziga xos shahar. Aynan bu yerda men o‘zimning bolalikdagi eng katta orzum amalga oshganini his etdim. Imon qadar bolalikdagi orzularingizni yodga oling hamda ularni amalga oshirishga intiling”, — deydi Xusnora kuzatuvchilariga.
Xonanda Dilso‘z kelin liboslari salonini ochganini ma‘lum qildi.
Oydin Yusupova aktrisalik faoliyati davomida turli kasb egalari bo‘lishga to‘g‘ri kelishi haqida so‘zlab berdi.
Munisa Rizayeva kuzatuvchilariga jonli efir orqali bog‘lanib, bo‘lajak turmush o‘rtog‘i haqidagi ma’lumotlarni so‘zlab berdi. Unga ko‘ra, kuyov Belarusning Minsk shahridan, kasbi — moliyachi. Kuyov Munisa uchun islom dinini qabul qilgan. Ma’lumotlarga ko‘ra, u Turkiyaning Bodrum shahrida xonandaning qo‘lini so‘ragan, Munisa ushbu taklifni qabul qilgan. Hozirda Munisa Rizayeva bo‘lajak turmush o‘rtog‘i bilan to‘y oldi fotosessiyasini o‘tkazmoqda.
Xonandaning singlisi opasining unashtiruv marosimi aks etgan videolarni sahifalariga joylamoqda.
Turkiyalik taniqli aktyor Nejati Shishmaz Haj ziyoratini ado etmoqda.
1-iyul sanasida Mirzabek Xolmedovning kenja o‘g‘li Ulug‘bek oila qurdi. To‘yda o‘zbek shou-biznesining ko‘plab vakillari mehmon bo‘ldi.
Aktrisa Yulduz Rajabova kuzatuvchilariga yangi surat bilan ko‘rinish berdi.
1-iyul sanasida O‘zbekistonda xizmat ko‘rsatgan artist Tohir Sodiqov 50 yoshni qarshi oldi. Shu munosabat bilan poytaxtdagi restoranlardan birida katta ziyofat uyushtirildi. Ushbu ziyofatda xonandaning oila a‘zolari, shou-biznesdagi do‘stlari ishtirok etdi.
Nigina Jabborova “Bollivud battl” ko‘rsatuvida Shri Devi obrazini gavdalantirdi.
Marhum aktyor Fathulla Mas’udovning kenja farzandi Abdulloh Mas’udov uylanmoqda. El ardog‘idagi aktrisa Gulchehra Sa’dullayeva nevarasining unashtiruv marosimida bosh-qosh bo‘ldi.
Turk kinosining taniqli juftligi Burak O‘zchivit va Fahriye Evjen barcha muxlislarini Qurbon hayiti bilan tabrikladi.
Izoh (0)