Varshavada amerikalik qo‘shiqchi Beyonse o‘z faoliyatidagi eng yuqori ko‘rsatkichni ko‘rsatib, Renaissance World Tour turining Yevropadagi so‘nggi konsertini o‘tkazdi, deb xabar bermoqda “Korrespondent.net” nashri.
Bir necha marotaba “Gremmi” mukofotini qo‘lga kiritgan xonanda Yevropadagi turi davomida 154,4 million dollar ishlab topdi va uning 21 ta konsert dasturiga bir milliondan ortiq chipta sotildi. Taqqoslash uchun, u The Formation World Tour 2016 va On the Run II Tour 2018 davomida Jay-Z bilan 87 million dollar ishlab topgan.
Xonandaning konsert dasturiga 2016-yilda 867 mingta chipta, 2018-yilda 871 mingta chipta sotilgan bo‘lsa, bu ko‘rsatkich yangi tur davomida 1,05 milliontani tashkil etdi.
Qayd etilishicha, Yevropadagi gastrolning eng yorqin qismi Londondagi beshta konsert bo‘lib, dasturga 240 mingta chipta sotilgan va u umumiy 42,2 million dollar daromad keltirgan. Bu konsert dasturi barcha davrlarning eng yaxshi daromad keltirgan shoulari 10 taligiga kirdi va Garri Staylz, Take That, Coldplay’ning chiqishidan keyin yettinchi o‘rinni egalladi.
Agar Beyonse xuddi shu sur’atda davom etsa, u Shimoliy Amerikaga safari davomida 264 million dollar daromad olishi va 1,8 milliondan ortiq chipta sotilishi mumkin.
Izoh (0)