Xonanda Madonna jiddiy bakterial infeksiya tashxisi bilan kasalxonaga yotqizildi. Bu haqda uning menejeri Gay Osiri ijtimoiy tarmoqlardagi sahifasida ma’lum qildi.
.jpg)
Amerikalik xonanda 24-iyun kuni kasalxonaga yotqizilgan. U bir necha kun reanimatsiya bo‘limida yotgan. Madonnaning ahvoli yaxshilanmoqda, biroq u shifokorlar nazorati ostida qolmoqda. Shifokorlar xonandaning to‘liq tuzalib ketishini kutmoqda.
Shuningdek, Osiri 15-iyul kuni Madonnaning Vankuverda bo‘lib o‘tishi rejalashtirilgan barcha tadbirlari, jumladan, musiqiy karyerasining 40 yilligiga bag‘ishlangan konserti, dunyo bo‘ylab gastrollari bekor qilinishini e’lon qildi.
Ma’lumotlarga ko‘ra, 64 yoshli qo‘shiqchi o‘tgan shanba kuni hushsiz holatda topilgan va shifoxonaga olib borilgan. Unga bir kecha sun’iy nafas oldirish apparati ulangan.
Izoh (0)