Instagram: Беларуслик йигит билан унаштирилган Муниса Ризаева, Тоҳир Содиқовнинг дабдабали туғилган куни, ўғлини уйлантирган Мирзабек Холмедов 

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Актриса Муборак Абдуллаева Қурбон Ҳайити айёмида орзуларидан бири амалга ошгани ҳақида сўзлаб берди. У ўша куни ўзининг илк автомобилини харид қилди.




Хонанда Лола ўсмир қизларни тарбиялаётган оналарга мурожаат қилар экан, ўтиш даврини бошдан кечираётган қизлар билан муроса қилиш борасида тавсияларини бериб ўтди. “Бу пайтда қизингизга мураббий эмас, севимли она бўлинг, ҳозир унга сизнинг меҳрингиз ҳар қачонгидан ҳам кераклироқ”, — дейди хонанда.  

Хонанда Малика Равшанова турмуш ўртоғининг туғилган кунини қандай нишонлагани акс этган видеони кузатувчилари билан бўлишди.



Телебошловчи, актриса ва хонанда Хуснора Шодиева Англия у борган 27-мамлакат эканлиги ҳақида кузатувчиларига сўзлаб берди. “12 ёшимда инглиз тили дарсида ўтирганимда, дарсликни варақлаб, илк марта Лондондаги диққатга сазовор масканларнинг суратларини томоша қилганман. Ўшанда жажжи Хуснора китобдаги жойларни қачонлардир ўз кўзи билан кўра олишига ишонмас эди. Лондон мен учун ўзига хос шаҳар. Айнан бу ерда мен ўзимнинг болаликдаги энг катта орзум амалга ошганини ҳис этдим. Имон қадар болаликдаги орзуларингизни ёдга олинг ҳамда уларни амалга оширишга интилинг”, — дейди Хуснора кузатувчиларига.

Хонанда Дилсўз келин либослари салонини очганини маълум қилди.



Ойдин Юсупова актрисалик фаолияти давомида турли касб эгалари бўлишга тўғри келиши ҳақида сўзлаб берди. 

Муниса Ризаева кузатувчиларига жонли эфир орқали боғланиб, бўлажак турмуш ўртоғи ҳақидаги маълумотларни сўзлаб берди. Унга кўра, куёв Беларуснинг Минск шаҳридан, касби — молиячи. Куёв Муниса учун ислом динини қабул қилган. Маълумотларга кўра, у Туркиянинг Бодрум шаҳрида хонанданинг қўлини сўраган, Муниса ушбу таклифни қабул қилган. Ҳозирда Муниса Ризаева бўлажак турмуш ўртоғи билан тўй олди фотосессиясини ўтказмоқда.



Хонанданинг синглиси опасининг унаштирув маросими акс этган видеоларни саҳифаларига жойламоқда.



Туркиялик таниқли актёр Нежати Шишмаз Ҳаж зиёратини адо этмоқда. 

1 июль санасида Мирзабек Холмедовнинг кенжа ўғли Улуғбек оила қурди. Тўйда ўзбек шоу-бизнесининг кўплаб вакиллари меҳмон бўлди.



Актриса Юлдуз Ражабова кузатувчиларига янги сурат билан кўриниш берди. 

1 июль санасида Ўзбекистонда хизмат кўрсатган артист Тоҳир Содиқов 50 ёшни қарши олди. Шу муносабат билан пойтахтдаги ресторанлардан бирида катта зиёфат уюштирилди. Ушбу зиёфатда хонанданинг оила аъзолари, шоу-бизнесдаги дўстлари иштирок этди. 




Нигина Жабборова “Болливуд баттл” кўрсатувида Шри Деви образини гавдалантирди. 

Марҳум актёр Фатҳулла Масъудовнинг кенжа фарзанди Абдуллоҳ Масъудов уйланмоқда. Эл ардоғидаги актриса Гулчеҳра Саъдуллаева неварасининг унаштирув маросимида бош-қош бўлди.



Турк киносининг таниқли жуфтлиги Бурак Ўзчивит ва Фаҳрие Эвжен барча мухлисларини Қурбон ҳайити билан табриклади.