Бейонсе Европа бўйлаб ўтказган 21 та концертидан салкам 155 млн доллар ишлаб топди

Варшавада америкалик қўшиқчи Бейонсе ўз фаолиятидаги энг юқори кўрсаткични кўрсатиб, Renaissance World Тоur турининг Европадаги сўнгги концертини ўтказди, деб хабар бермоқда “Корреспондент.нет” нашри.

Бир неча маротаба “Гремми” мукофотини қўлга киритган хонанда Европадаги тури давомида 154,4 миллион доллар ишлаб топди ва унинг 21 та концерт дастурига бир миллиондан ортиқ чипта сотилди. Таққослаш учун, у The Formation World Тоur 2016 ва Оn the Run II Тоur 2018 давомида Jay-Z билан 87 миллион доллар ишлаб топган.

Хонанданинг концерт дастурига 2016 йилда 867 мингта чипта, 2018 йилда 871 мингта чипта сотилган бўлса, бу кўрсаткич янги тур давомида 1,05 миллионтани ташкил этди.

Қайд этилишича, Европадаги гастролнинг энг ёрқин қисми Лондондаги бешта концерт бўлиб, дастурга 240 мингта чипта сотилган ва у умумий 42,2 миллион доллар даромад келтирган. Бу концерт дастури барча даврларнинг энг яхши даромад келтирган шоулари 10 талигига кирди ва Гарри Стайлз Take That, Coldplay’нинг чиқишидан кейин еттинчи ўринни эгаллади.

 Агар Бейонсе худди шу суръатда давом этса, у Шимолий Америкага сафари давомида 264 миллион доллар даромад олиши ва 1,8 миллиондан ортиқ чипта сотилиши мумкин.