Ko‘plab Gollivud yulduzlari karyerasi uchun shaxsiy hayotini qurbon qiladi. Ba’zan esa o‘z kasbiga mehr-muhabbat tufayli aktyorlar farzandlari ham ularning izidan borishini xohlaydi. Agar ular farzandlari bilan bitta filmda suratga tushishga muvaffaq bo‘lishsa, buni muvaffaqiyat deb hisoblash mumkin. Quyida farzandlari bilan bir filmda suratga tushgan mashhurlar haqida ma’lumot beriladi.
Silvestr Stallone va Seyj Stallone — “Rokki 5” filmi
.jpg)
Mashhur franshizaning beshinchi qismida Silvestr Stallone o‘g‘li bilan birga rol ijro etdi. Bosh qahranib Sovet chempioni bilan dueldan so‘ng murabbiylik bilan shug‘ullanadi.
Seyj loyihada kichik Rokki Balboa rolini o‘ynadi va bu uning aktyorlik karyerasining boshlanishi edi. U ko‘plab filmlarda suratga tushganidan keyin o‘z yo‘lini davom ettira olmadi. Aktyorning o‘g‘li 2012-yilda yurak xuruji tufayli vafot etdi.
Melani Griffit va Dakota Jonson — “Qoidalarga rioya etmaydigan ayol” filmi
Dakota Jonson atigi 10 yoshda bo‘lganida, onasi Melani Griffit bilan “Qoidalarga rioya etmaydigan ayol” filmida rol o‘ynagan. Bosh qahramon Lyusil turmush o‘rtog‘ini tashlab ketib, mashhur bo‘lish orzusida shaharni tark etadi. Filmda qizaloqning roli juda kichik edi va film unchalik yaxshi baholanmadi.
Keyinchalik, aktrisa “Yulduz yordamchilari” filmida suratga tushgan, biroq u bilan bog‘liq sahna bir necha daqiqa davom etgan. Dakota onasining iste’dodini o‘zlashtirishga muvaffaq bo‘ldi va aktyorlik karyerasida undan deyarli o‘zib ketdi.
Bryus Uillis va Rumer Uillis “Garov”
Rumer Uillis ulg‘ayishi bilan, ota-onasidan ilhomlanib, aktrisa bo‘lishga qaror qildi. Biroq, oilaviy munosabatlar unga bu borada yordam bermadi, aktrisa “Garov” filmida suratga tushish uchun, ya’ni bosh qahramonning qizi rolini olish uchun imtihondan o‘tishi kerak edi.
Film provinsiya shaharchasiga ko‘chib kelgan sobiq maxfiy xizmat zobitining hayoti haqida hikoya qiladi. Tasodifiy talonchilikdan so‘ng, bir oila garovga olinadi va u begunoh insonlarni qutqarish uchun qo‘lidan kelganini qilishi kerak bo‘ladi.
Uill Smit va Jeyden Smit — “Baxt izidan” filmi
Jeyden Smit “Baxtga izidan” filmida bosh qahramonning o‘g‘li rolini ijro etgan. Film yolg‘iz otaning hayotidagi mashaqqatlari, ish izlab, farzandiga g‘amxo‘rlik qilayotgan Uill Smitning obrazi haqida hikoya qiladi. Ular oila a’zolari o‘rtasidagi samimiy munosabatlarni juda aniq yetkazishga muvaffaq bo‘ldi.
Bu Jeydenning otasi bilan birga suratga tushgan yagona loyihasi emas. Ularning ikkinchi qo‘shma loyihasi “Eramizdan so‘ng” filmi bo‘lib, Jeyden ham bir nechta filmlarda suratga tushgan. “Karatechi yigit” — uning eng yaxshi qahramonlaridan biri.
Bred Pitt va Shaylo Joli-Pitt — “Benjamin Battonning sirli hikoyasi”
Bred Pitt kinodagi faoliyatini davom ettirishga qaror qildi va to‘ng‘ich qizi Shayloni suratga olish maydonchasiga olib bordi. O‘sha paytda qizaloq endigina 2 yoshga kirgan edi va u filmning bosh qahramoni Benjamin farzandi rolini ijro etdi. Bu qizaloqning birinchi marta katta ekranda chiqishi va aktyorlik debyuti edi.
Film yillar o‘tsa-da qarimaydigan, balki yoshroq ko‘rinishga ega bo‘ladigan ajoyib insonning hayoti haqida hikoya qiladi.
Brendan Glison va Donal Glison — “Garri Potter: Ajal tuhfasi”
“Garri Potter” haqidagi filmning ushbu qismida Brendan Glison eng tajribali sehrgarlardan biri Alastor Mudi rolini o‘ynadi. Filmda uning farzandi ham suratga tushdi va Ron Uizlining akasi Bill rolini ijro etdi. Filmda ularning taqdiri bog‘lanmagan bo‘lsa-da, aktyorlarning duetini muvaffaqiyatli deb atash mumkin.
Aktyorlar “Garri Potter” filmidan tashqari, yana bir nechta loyihalarda suratga tushdi. Loyihalar orasida “Irlandiyalik Frenk” seriali ham bor, unda aktyorlar bosh qahramonlar rolini ijro etgan.
Anjelina Joli va Viven Joli-Pitt — “Malifisenta”
Anjelina Joli va Bred Pitt har doim farzandlarini suratga olish jarayonlarida ishtirok etishini qo‘llab-quvvatlagan. Bunday kamolar ularga kulgili va qiziqarli bo'lib tuyuldi. “Malifisenta” filmida juftlikning qizi Viven Joli-Pitt kichik Avrora rolini ijro etdi.
Anjelina Joli film ijodkorlariga Malifisentaning shoxlaridan va uning qo‘pol qiyofasidan qo‘rqmaydigan bola kerakligi haqida gapirdi. Qo‘rqinchli sehrgar har qanday insonni osongina qo‘rqitishi mumkin edi. Viven esa bu rol uchun munosib nomzod edi.
Meril Strip va Memi Gammer — “Riki va Flesh” filmi
Bu ona va qiz birga rol ijro etgan birinchi film bo‘lmasa-da, aynan shu filmda ular bosh qahramon obrazini gavdalantirgan. Merilning obrazi — oilasini karyera uchun tark etgan rok yulduzi. Biroq, u keyinchalik ishlarni to‘g‘rilash va bolalar bilan munosabatlarni o‘rnatish imkoniyatiga ega bo‘ladi.
Ularning birinchi qo‘shma loyihasi 1986-yilda namoyish etilgan “Rashk” filmi edi. Memi o‘sha paytda atigi 3 yoshda edi, u yosh bo‘lishiga qaramay, rolni a’lo darajada bajardi va yana Merilning qizi rolini o‘ynadi.
Jonni Depp va Lili-Rouz Depp — “Yogachilar”
Jonni Depp “Yogachilar” filmida qizi Lili-Rouz Depp bilan birga suratga tushgan. Lili-Rouzning obrazi yoga bilan mashg‘ul bo‘lgan va dugonasi bilan bir do‘konda qo‘shimcha pul ishlashga majbur bo‘lgan maktab o‘quvchisi. Yovuzlik va sehr qizlarga qarshi ishlatilganda, hamma narsa yanada murakkablashadi.
Filmni muvaffaqiyatli deyish qiyin, tomoshabinlar va tanqidchilar uni juda past baholagan, biroq bu Lili-Rouz Deppning karyerasiga ta’sir qilmadi. U boshqa mashhur filmlarda, masalan “Biven” va “Kumir” teleserialida rol ijro etdi.
Izoh (0)