Jadallashgan texnikaning kinosanoatga ta’siri natijasida bir nechta aktyorlarning o‘limidan keyingi filmning sahnalardagi o‘rni kompyuter grafikasi yordamida qayta jonlantirildi.
Piter Kushing — “Yulduzlar jangi”
1970-yillar oxirida Piter “Yulduzlar jangi”da Moff Tarkin rolini ijro qilgan. Mashhur saganing birinchi qismini suratga olish vaqtida, 1994-yilda hayotdan ko‘z yumgan. Ammo zamonaviy texnologiyalar yordamida aktyorning raqamli dublyorini yaratishning uddasidan chiqilgan.
Garold Ramis — “Sharpa ovchilari: Vorislar”
2016-yilda “Sharpa ovchilari” filmining aktrisalar ishtirokidagi muvaffaqiyatsiz qayta ishlangan varianti namoyish etildi. 2021-yilda ushbu filmning muvaffaqiyatli davomi chiqdi, unda yangi aktyorlardan tashqari avvalgi aktyorlar ham paydo bo‘ldi. Bill Myurrey, Den Aykroyd va Erni Hadson o‘z rollariga qaytdi. Mashhur to‘rtlikdan faqat Garold Ramis kompyuter grafikasi yordamida qayta “jonlantirilgan” sababi aktyor 2014-yilning 24-fevral sanasida vafot etgan edi.
Oliver Rid – “Gladiator”
Oliver Rid “Gladiator” filmida qahramonining rolini oxiriga yetkizmay suratga olish maydonchasida yurak xurujidan vafot etgan. Rejissor Ridli Skott yulduzni kompyuter grafikasi yordamida ko‘rinishini yaratish studiyaga 3 million dollarga tushishini ta’kidlagan. Shunga qaramay qaror qabul qilingan. Natijada ishlov berilgan sahnalarni haqiqiy Rid ishtirokidagisidan farqlash imkonsiz bo‘lgan.
Kristofer Riv – “Flesh”
“Flesh” kinokartinasini butun dunyo bo‘ylab millionlab DC muxlislari kutgan. Loyihada Maykl Kiton, Ben Afflek va Maykl Shennon paydo bo‘lishi kerak edi. Biroq natija kutilgandek bo‘lmadi. Hatto 1978-yilda suratga olingan “Supermen” filmi va uning davomiy filmlarida Supermen rolini o‘ynagan Kristofer Rivning epizodik roli ham uning muvafaqqiyatli chiqishiga yordam bermadi. Kristoferning karyerasi 1995-yilda, otdan yiqilib falaj bo‘lib qolganida tugadi. Oradan 9 yil o‘tib, u vafot etdi. 18 yildan so‘ng aktyor “Flesh” filmiga kompyuter grafikasi yordamida “qaytarildi”.
Pol Uoker — “Forsaj 7”
Avtohalokatda vafot etgan Pol Uoker “Forsaj”ning yettinchi qismida suratga tushishga ulgurmagan. Ammo ijodkorlar muxlislar qalbidan joy olgan aktyorni almashtirmaslikka qaror qilgan. Lenta taqdimotini bir necha oyga surib, mutaxassislar kompyuter grafikasi yordamida uning raqamli nusxasini yaratgan. Aka-uka Uokerlar kinematograflarga yordam berib, bir necha sahnada dublyor sifatida chiqish qilgan.
Kerri Fisher — “Yulduzlar jangi: Skayuoker yuksalishi”
“Yulduzlar jangi: Skayuoker yuksalishi” filmida Leya Organa bosh qahramonlardan biri bo‘ladi. Biroq Kerri Fisherning o‘limidan so‘ng, birgina yechim topildi: butun ssenariyni Leyasiz qaytadan yozish kerak, degan xulosaga kelindi. Biroq aktirsa kompyuter grafikasi yordamida qayta “jonlantirildi”. Loyiha ijodkorlari bu ishni amalga oshirishdan oldin Kerrining qarindoshlaridan ruxsat oldi. Kinokartinada Leya Organa obrazi vafot etadi.
Izoh (0)