Futbol bo‘yicha U-17 Osiyo Kubogining chorak finalida O‘zbekiston o‘smirlar terma jamoasi 26-iyun, dushanba kuni Saudiya Arabistoniga qarshi bahs yuritdi.
Uchrashuvning birinchi bo‘limida darvozalar daxlsiz qoldi. Ikkinchi bo‘limda esa o‘zbekistonliklar faollik ko‘rsatdi va hisobni ochdi. 79-daqiqada Ollabergan Karimov o‘z hisobiga gol yozdirib qo‘ydi. Oradan 4 daqiqa o‘tib, Dilshod Abdullayev hisobni ishonchli ko‘rinishga olib keldi. Qolgan daqiqalarda esa gol urilmadi va O‘zbekiston o‘smirlar terma jamaosi g‘alaba qozondi.
Jamoliddin Rahmatullayev shogirdlari yarim final yo‘llanmasi bilan birga Jahon Chempionati yo‘llanmasini ham qo‘lga kiritdi.
U-17 Osiyo Kubogi—2023
Chorak final
26-iyun, dushanba
Saudiya Arabistoni – O‘zbekiston 0:2
Gollar: 0:1 — 79 Ollabergan Karimov, 0:2 — 83 Dilshod Abdullayev.
O‘zbekiston U-17: 21. Muhammadyusuf Sobirov, 5. Azizbek Tulkunbayev, 6. Ozodbek O‘ktamov, 7. Laziz Mirzayev, 8. Behruz Shukurullayev, 13. Behruz Jumatov, 14. Shodiyor Shodiboyev, 16. Muhammadali Reimov, 17. Ollobergan Karimov, 19. Sherzodbek Abdulbo‘riyev, 23, Dilshod Abdullayev.
Izoh (0)