Jeydon Sancho — 45 million, Maguayr — 40 million, Marsyal esa 25 million yevro. “Manchester Yunayted” 12 nafar futbolchisiga narx belgiladi

“Manchester Yunayted” yozda qator futbolchilari bilan xayrlashmoqchi. 

Daily Mail nashrining xabariga ko‘ra, mankunianliklar transfer budjetini oshirish uchun 12 nafar futbolchisi borasidagi takliflarni ko‘rib chiqishga tayyor. “Qizil iblislar” futbolchilariga transfer narxlarini ham belgiladi. Unga ko‘ra, Jeydon Sancho — 45 million, Harri Maguayr — 40 million, Antoni Marsyal — 25 million, Skott Maktomini — 40 million, Fred, Donni van de Bek va Entoni Elanga — har biri 20 milliondan, Aleks Telles — 10 million, Erik Bayi — 2 million, Brendan Uilyams — 5 million, Annibal Mejbri — 13 million yevro. 

Shuningdek, “Manchester Yunayted” “Nottingem Forest” bilan Din Henderson transferi bo‘yicha muzokaralar olib borgan, biroq David de Xeaning jamoadagi kelajagi borasida noaniqliklar tufayli Henderson transferi ham so‘roq ostida. 

“Manchester Yunayted” 2022/23-yilgi mavsum Angliya Premyer Ligasini 75 ochko bilan 3-o‘rin bilan yakunladi.