“Yuventus” bosh murabbiyi Massimiliano Allegriga yana bir bor Saudiya Arabistonidan taklif kelgan.
Fabrisio Romanoning ma’lum qilishicha, mutaxassis “Al-Hilol” tomonidan yuborilgan yana bir taklifga rad javobini bergan. U Italiya klubida ishlashda davom etishni ma’qul ko‘rmoqda.
55 yoshli murabbiyga ikki yillik shartnoma va yiliga 20 million yevro taklif qilingan. Keyinchalik bu taklif 30 million yevrogacha ko‘tarilgan, biroq Allegri bu takliflarga e’tibor ham qaratmagan.
Eslatib o‘tamiz, Massimiliano Allegri 2021-yildan buyon “Yuventus”ni boshqarib kelmoqda. Jamoa bilan birga o‘tgan mavsum A Seriyada 62 ochko bilan 7-o‘rinni egalladi. Allegri faoliyati davomida “SPAL”, “Grosseto”, “Udineze”, “Sassuolo”, “Kalyari” va “Milan” kabi jamoalarda ishlagan.
Izoh (0)