Жейдон Санчо — 45 миллион, Магуайр — 40 миллион, Марьсяль эса 25 миллион евро. “Манчестер Юнайтед” 12 нафар футболчисига нарх белгилади

“Манчестер Юнайтед” ёзда қатор футболчилари билан хайрлашмоқчи. 

Daily Mail нашрининг хабарига кўра, манкунианликлар трансфер бюджетини ошириш учун 12 нафар футболчиси борасидаги таклифларни кўриб чиқишга тайёр. “Қизил иблислар” футболчиларига трансфер нархларини ҳам белгилади. Унга кўра, Жейдон Санчо — 45 миллион, Ҳарри Магуайр — 40 миллион, Антони Марьсяль — 25 миллион, Скотт Мактомини — 40 миллион, Фред, Донни ван де Бек ва Энтони Эланга — ҳар бири 20 миллиондан, Алекс Теллес — 10 миллион, Эрик Байи — 2 миллион, Брендан Уильямс — 5 миллион, Аннибал Межбри — 13 миллион евро. 

Шунингдек, “Манчестер Юнайтед” “Ноттингем Форест” билан Дин Ҳендерсон трансфери бўйича музокаралар олиб борган, бироқ Давид де Хеанинг жамоадаги келажаги борасида ноаниқликлар туфайли Ҳендерсон трансфери ҳам сўроқ остида. 

“Манчестер Юнайтед” 2022/23 йилги мавсум Англия Премьер Лигасини 75 очко билан 3-ўрин билан якунлади.