Surxondaryo viloyati Boysun tumanida yo‘l-patrul xizmati xodimi o‘z xizmat mashinasida avariyaga uchradi. Viloyat IIB holat tafsilotlarini ochiqladi.
Unga ko‘ra, holat 11-iyun kuni soat 09:00 larda Surxondaryo viloyati, Boysun tumani At-Termiziy ko‘chasida sodir bo‘lgan. 1977-yilda tug‘ilgan fuqaro Sattorov H.H. boshqaruvida bo‘lgan elektromotoroller qarama-qarshi yo‘nalishda harakatlanib kelib, qayrilib olmoqchi bo‘lgan safdor Komilov A.A.ga biriktirilgan Lacetti YPX avtomobili bilan to‘qnashuv sodir etgan.
Hodisa natijasida tan jarohati olganlar yo‘q. YTH yuzasidan Surxondaryo viloyati IIB JXX YHXB mas’ullari tomonidan safdor Komilov A.A.ga nisbatan xizmat tekshiruvi tayinlangan bo‘lib, natijasi ma’lum qilinadi.
Qayd etilishicha, mazkur holatdan kelib chiqib, Surxondaryo viloyati IIB JXX YHXB shaxsiy tarkibi xodimlarining xizmat va shaxsiy trasnport vositalarining texnik holati ko‘zdan kechirildi. Xodimlarga yo‘llarda qoidalarga rioya etgan holda harakatlanishlari bo‘yicha yo‘riqnoma berildi.
Izoh (0)