O‘zbekistonda 2023-yilning may oyida qancha elektr energiya ishlab chiqarilgani ma’lum bo‘ldi. Bu haqda “Hududiy elektr tarmoqlari” AJ axborot xizmati xabar berdi.
Unga ko‘ra, ushbu davr davomida respublikada 5,8 milliard kVt/soat elektr energiyasi ishlab chiqarildi. Bu o‘tgan yilning mos davriga nisbatan 285,4 million kVt/soat yoki 5,2 foiz ko‘p. Shuningdek, respublika iste’molchilariga 5,3 milliard kVt/soat elektr energiyasi yetkazib berildi. Mazkur ko‘rsatkich 2022-yilning shu davriga nisbatan 514,6 million kVt/soat yoki 11 foiz ko‘p.
Surxondaryoda Yuqori To‘polang GES ishga tushsa, 1560 ta ish o‘rni yaratilib, 850 mingdan ortiq xonadon elektr energiya bilan taʼminlanishi haqida aytilgan edi. Shuningdek, Andijon viloyatining ikki tumanida 16-iyun kuni yangi mikro GESlar ishga tushirilgan edi.
Izoh (0)