Surxondaryo viloyatida Yuqori To‘polang GES ishga tushirilgach, 1560 ta yangi ish o‘rni yaratilib, hududdagi 850 mingdan ortiq xonadon elektr energiya bilan taʼminlanadi. Bu haqda “O‘zbekgidroenergo” AJ boshqaruvi raisi Abdug‘ani Sanginov jurnalistlar bilan muloqotida gapirib berdi.
Maʼlum qilinishicha, “O‘zbekgidroenergo” AJ tashabbusi bilan “To‘polang GES” unitar korxonasiga OAV vakillari ishtirokida press-tur tashkil etilgan.
“Surxondaryo viloyatida jami 55 ta loyiha asosida jami quvvati 25,8 MVt bo‘lgan loyihalar ishga tushiriladi. Shundan 2023-yilda 8 ta loyiha asosida jami quvvati 10,1 MVt bo‘lgan yangi loyihalar ishga tushirilib, aholiga elektr energiya ishlab chiqariladi. Bu borada, jamiyat tomonidan quvvati 9,1 MVt bo‘lgan 5 ta loyiha ishga tushirilishi, xususiy sektor tomonidan yangi 3ta loyiha – quvvati 1 MVt bo‘lgan mikro GESlar ishga tushirilishi reja qilingan. Amalga oshirilgan ishlar natijasida 582 million m3 tabiiy gaz iqtisod qilinishiga erishiladi”, — deydi Abdug‘ani Sanginov jurnalistlarning savollariga javob berar ekan.
Taʼkidlanishicha, yangi istiqbolli loyiha asosida 16 MVt bo‘lgan “Zarchob-3” GES qurilishi bo‘yicha dastlabki ishlar amalga oshirilmoqda.
“Shuningdek, istiqbolli loyihalar asosida keyingi yillarda To‘polang daryosining yuqori qismida jami 20 ta loyihalar asosida quvvati 264 MVt bo‘lgan Yuqori To‘polang GESlari quriladi. Ushbu jarayonda esa jamiyat tomonidan xususiy sektor tomonidan amalga oshiriladigan mikro GESlarga alohida eʼtibor qaratilmoqda. Xususan, Surxondaryo viloyatida jami 55 ta loyiha asosida umumiy quvvati 25,8 MVt bo‘lgan loyihalar ishga tushiriladi. Shundan 2023-yilda 8 ta loyiha asosida jami quvvati 10,1 MVt bo‘lgan yangi loyihalar ishga tushirilib, aholiga toza elektr energiyasi ishlab chiqariladi. Bu borada, jamiyat tomonidan quvvati 9,1 MVt bo‘lgan 5 ta loyiha ishga tushirilishi, xususiy sektor tomonidan yangi 3 ta loyiha – quvvati 1 MVt bo‘lgan mikro GESlar ishga tushiriladi”, — deydi masʼul.
Qo‘shimcha qilinishicha, amalga oshirilgan ishlar natijasida 1560 ta yangi ish o‘rinlari yaratilib, 850 000 mingdan ortiq xonadon elektr energiyasi bilan taʼminlanadi.
Surxondaryodagi To‘polang suv ombori Sariosiyo tog‘laridan oqib tushgan suvlarni bir joyga to‘plash natijasida vujudga kelgan bo‘lib, aholi uchun eng zarur manba hisoblanadi. Denov, Sho‘rchi, Qumqo‘rg‘on tumanlaridagi ekinzorlar mazkur suv ombori orqali sug‘orilsa, uning quyi qismidagi GESlar quvvati viloyatning janubiy hududlarini elektr energiyasi bilan taʼminlaydi. To‘polang suv omborining sig‘imi 500 million m3 ga teng.
Izoh (0)