Qarshi shahriga 100 ta zamonaviy elektrobus olib kelinadi

Prezidentlikka nomzod Shavkat Mirziyoyev Qarshi shahriga 100 ta zamonaviy elektrobus olib kelinishini aytdi. Shuningdek, shaharda 200 ta zaryadlash stansiyalari quriladi. Bu maqsadlar uchun 30 million dollar jalb qilinadi.

Bundan tashqari, Xalqaro moliya tashkilotlari bilan birga:

• “Qarshi – Shahrisabz – Kitob” va “Samarqand – Qarshi” yo‘llari kapital ta’mirlanadi (177 kilometr);
• “Olmaota – Bishkek – Toshkent – Shahrisabz – Termiz” yo‘lining Qashqadaryo hududidan o‘tuvchi 60 kilometr qismi rekonstruksiya qilinadi.

Shavkat Mirziyoyev Qashqadaryodagi ehtiyojmand oilaga mansub 20 ming talabaga kontrakt pullari to‘lab berilishini ma’lum qildi. 

Ushbu maqsadlar uchun 220 milliard so‘m yo‘naltiriladi.

“O‘z biznesini ijaraga olingan binoda boshlayotgan yoshlarimizga bir yillik ijara xarajatining 50 foizi qoplab beriladi. Talabalar uchun davlat tashkilotlarida ish haqi to‘lanadigan stajirovka tizimi joriy qilinadi”, – dedi nomzod.