Britaniyada milliarder oila yiliga 127 000 dollardan (oyiga 10 500 dollar) maosh oladigan itboqar qidirmoqda. Vakansiyada aytilishicha, tanlangan nomzod oilaning Londondagi uyida yashaydi.
Nomzodga qo‘yiladigan talab kun bo‘yi to‘liq ishlashi va it egasi bo‘lgan oila bilan Naytsbrij tumanida yashashi kerak. Shu bilan birga, itboqar jonivor egalari qayerga borsa, ular bilan birga sayohat qilishi zarur.
Ideal nomzod itning ovqatlanishi haqida hamma narsani bilishi, u uchun individual mashqlar rejimini ishlab chiqishi, jonivor bilan o‘ynashi hamda shaxsiy hayotini chetga surib qo‘yishi kerak.
“Milliarderlar oilasi bir kun avval vakansiyani e'lon qilishgan bo‘lsa ham, bizda allaqachon 300-400 ta ariza bor. To'satdan hamma itboqarga aylanib qoldi”, deydi bandlik agentligi xodimi Jorj Ralf-Dan.
Uning so‘zlariga ko‘ra, jiddiy tekshiruv o‘tkazishdan oldin kompaniya xodimlari barcha talablarga javob bermaydigan nomzodlarni ko‘rib chiqmoqchi emas.
“Agar siz veterinar bo‘lsangiz va uy hayvonlari bilan muloqot qilishga odatlangan bo‘lsangiz ham bunday oylik beradigan ishni topishingiz qiyin bo‘ladi", deydi Jorj Ralf-Dan.
Milliarderlarning nechta iti borligi va ular qanday zotdan ekanligi haqida xabar berilmagan.
Izoh (0)