Tunisda yo‘lovchi poyezdi relsdan chiqib ketdi. Bu haqda mahalliy TAP axborot agentligi xabar bermoqda.
Hodisa Tunisning O‘rta Yer dengizi sohilida joylashgan Sus provinsiyasida sodir bo‘lgan. Yo‘lovchi poyezdi mamlakat poytaxtidan Gabes tumaniga qarab yo‘lga chiqqandi. Yo‘lda noma’lum sabablarga ko‘ra poyezd relsdan chiqib ketgan, natijada bir necha vagon ag‘darilgan.
Hodisa oqibatida qurbonlar va jarohatlanganlar bor. Tunis Milliy temiryo‘l kompaniyasi vakillarining so‘zlariga ko‘ra, ikki kishi halok bo‘lgan: ulardan biri poyezd mashinisti, ikkinchisi yo‘lovchi. Shifokorlar 34 kishi jarohatlanganini ma’lum qildi.
Ta’kidlanishicha, hodisa sabablari haqida to‘liq hisobot keyinroq e’lon qilinadi.
Shunga o‘xshash hodisa 2023-yil mart oyida ham Tunisda sodir bo‘lgan edi. O‘shanda ikkita poyezdning to‘qnashib ketishi natijasida 84 nafar fuqaro jabrlangan.
Izoh (0)