NASA uglerod chiqindilarining atmosferaga chiqarilishi aks etgan videoni namoyish qildi

NASA “atmosferamizni yaxshiroq o‘rganish va undagi asosiy omillarni chuqurroq anglash uchun” atmosferaga chiqarilayotgan uglerod chiqindilarining hayratlanarli videosini yaratdi.

2021-yildan boshlab “issiqxona gazlari”ning atmosferaga otilishi bosqichma-bosqich namoyish etilgan videoda uglerodning 12 oy davomida har bir qit’a ustida qanday miqdorda to‘planganini ko‘rsatadi.

Diagrammalarda qazib olinadigan yoqilg‘ilar to‘q sariq rangda, yonayotgan biomassalar qizil rangda, quruqlik ekotizimlari yashil rangda va okean ko‘k rangda ko‘rsatilgan.

Har bir qit’a tasvirida NASA har bir mintaqaning “o‘ziga xos xususiyatlarni” aks ettirdi.

AQSHning shimoli-sharqiy hududlari — Vashingtondan Bostongacha sayyoramizning “asosiy ifloslanish nuqtasi” hisoblanadi.

Bundan tashqari, Yevropa va Saudiya Arabistoni ham “nisbatan yuqori qazilma yoqilg‘i chiqindilariga ega” deb belgilandi. Qishloq xo‘jaligidan chiqadigan chiqindilar Markaziy Afrikada ham sezilarli darajada kuzatilgan va Pekin ham asosiy ifloslanish nuqtasi sifatida ro‘yxatga olingan.