“Kontrakt asosida xizmat qilayotgan harbiylar maoshi 2030-yilga qadar yana 2 karra oshiriladi” — Shavkat Mirziyoyev

O‘zbekiston liberal-demokratik partiyasidan prezidentlikka nomzod Shavkat Mirziyoyev surxondaryolik saylovchilar bilan uchrashuv chog‘ida kelgusi yetti yilda ta’limni rivojlantirishga oid rejalar haqida to‘xtaldi.

“Harbiylar va ularning oila a’zolarining ijtimoiy-huquqiy himoyasini yanada kuchaytiramiz. Buning uchun kontrakt asosida xizmat qilayotgan harbiylar maoshi 2030-yilga qadar yana 2 karra oshiriladi”, — dedi nomzod.

Shavkat Mirziyoyev yil yakunigacha harbiylar uchun 2 mingdan ortiq, kelgusi yetti yilda esa, yana 20 mingta uy-joy qurib berilishini aytdi.

Shuningdek:

• 15 yildan ortiq xizmat qilgan harbiylar uchun uy-joyga dastlabki badalning 50 foizini davlat ajratadi;
• boquvchisini yo‘qotgan, nogiron bo‘lib qolgan harbiylarning kredit qarzdorligi esa byudjetdan qoplanadi;
• pensiyadagi harbiylarning farzandlariga alohida kvota doirasida oliygohga kirish uchun imtiyozlar beriladi;
• og‘ir kasallikka chalingan harbiylarning chet elda davolanishiga alohida mablag‘lar ajratiladi.