Surxondaryoda 2030-yilgacha 4 ming kilometr ichki yo‘llar ta’mirlanadi

Prezidentlikka nomzod Shavkat Mirziyoyev surxondaryolik saylovchilar bilan uchrashuvda uy-joy va yo’llar qurilishi yuzasidan rejalarni ma’lum qildi.

“Kelgusi yetti yilda viloyatda 1,5 mingta ko‘p qavatli uylarda 50 ming oila shinam uy-joyga ega bo‘ladi. Bunga barcha manbalar hisobidan 1 milliard dollar yo‘naltiramiz”, — dedi nomzod.

Shavkat Mirziyoyev Angor, Boysun, Jarqo‘rg‘on, Sariosiyo va Termiz tumanlaridagi “Yangi O‘zbekiston” massivlarida 300 ta ko‘p qavatli uy-joylar qurilishi natijasida, 12 mingta oila uy-joy bilan ta’minlanishini aytdi.

“Viloyatda 2030-yilgacha 4 ming kilometr ichki yo‘llar ta’mirlanadi hamda 35 ta ko‘priklar yangidan quriladi”, — dedi nomzod.