Aktyorlar suratga olish maydonchasida dublyorlari bilan ishlashi mumkin. Ayrim turk aktyorlari esa suratga olish jarayonlarida dublyorlar bilan emas, o‘z egizagi bilan ishtirok etadi. Egizak mashhurlar bir-biriga shu qadar o‘xshashki, hatto eng e’tiborli tomoshabinlar ham ularni ajratishda qiynaladi. Quyida shu kabi egizagi bor mashhur turk aktyorlari haqida ma’lumot beriladi.
Serkan Chayog‘lu va uning akasi Erkan
“Gilos mavsumi”, “Kuzey Guney” va “Uzuk” seriallari yulduzining egizak ukasi borligini bilarmidingiz? Erkan ukasidan 6 daqiqa katta. Ko‘pchilik egizaklarning tashqi ko‘rinishida farq borligini aytadi: ular Serkanni onasiga, Erkanni esa otasiga o‘xshatishadi. Erkan haqida ko‘p narsa ma’lum emas, biroq u aniq aktyor yoki model emas.
Bensu Soral va uning ukasi Bedirxon
Bir qarashda Bensu bilan akasi Bedirxon o‘rtasida o‘xshashlik ko‘p emasligini ko‘rish mumkin. Biroq shunga qaramay egizaklarning bir-biriga o‘xshash umumiy xususiyatlari aniq kuzatiladi. Egizaklar 1991-yilning 23 mart sanasida tug‘ilgan. Bensu Soral aktrisa sifatida muvafaqqiyatga erishayotgan bo‘lsa, uning ukasi blogerlik sohasida mashhurlikka erishmoqda. Bedirxon dastlab aktyor bo‘lishga harakat qildi, biroq nimadir sabab bilan bu yo‘nalishni tark etdi. Bedirxon ikkita loyihada rol o‘ynadi va keyinroq bu g‘oyadan voz kechdi va boshqa marralarni zabt etish uchun aktyorlik sohasini tark etdi.
Serjan Badur va uning egizak akasi Janer
Serjan Badurning egizak akasi shou-biznesdan yiroq, lekin u akasini qo‘llab-quvvatlashdan charchamaydi. Aktyor egizagi haqida: “Oramizda bir daqiqalik farq bor. U mendan oldin tug‘ilgan. Yaxshi ham u bor, u mening ajralmas qismim”, — deydi aktyor. Serjan hozirga qadar 11 ta loyihada suratga tushgan, ular orasida eng mashhurlari “Birinchisi va oxirgisi”, “Gullar iztirobi” va “Bebaho vaqt” seriallari. Aktyor hozir ham kinodagi faoliyatini davom ettirmoqda.
Hazal Filiz Kuchukkose va uning egizak singlisi Deniz
Hazal Filiz Kyuchukkose singlisi Denizga ikki tomchi suvdek o‘xshaydi. Aktrisa singlisi bilan tushgan fotosuratlarini muxlislariga taqdim etganida, ular egizaklarni bir-biridan ajrata olmaydi. Hazal “Sevgi iztirobi” serialidagi roli bilan mashhurlikka erishdi. Aktrisa undan oldin “Sovuq”, “G‘olib” va “Ertak” loyihalarida suratga tushgan. Hazalning singlisi Deniz shaxsiy hayoti haqidagi ma’lumotlarni ommadan sir tutadi, biroq aniq aytish mumkinki, u aktrisalik sohasida faoliyat yuritmaydi.
Idil Sivritepe va uning egizak singlisi Pinar
Idil Sivritepe va Pinar 1990-yilning 26-fevralida tug‘ilgan. Idil Sivritepe aktyorlik kasbini tanladi, shuning uchun u Turkiyada mashhurlikka erishdi. Aktyor muxlislarga “Qulupnay hidi”, “Istanbullik kelin” va “Muhabbat retsepti” seriallaridagi rollari bilan yaxshi tanish. Biroq uning singlisi Pinar e’tibor markazida bo‘lishni yoqtirmaydi, shuning uchun ijtimoiy tarmoqlarda u haqida deyarli hech qanday ma’lumot yo‘q.
Oyku Karael va uning egizak singlisi Ezge
Oyku va Ezgini eng e’tiborli muxlislar ham bir-biridan ajrata olmaydi. Oyku — “Muhtasham yuz yil” teleserialida suratga tushganidan so‘ng mashhurlikka erishdi. U “Ko‘sem”, “Pul va gul ishqi”, “Kuzey Guney”, “Chang”, “Yurak urishi” va “Taqdirim o‘yini” loyihalarida rol ijro etgan. Uning singlisi Ezge Karael esa Marmaradagi tasviriy san’at fakultetida o‘qigan. Ezge dizaynerlikda faoliyat yuritadi. U ommaviy axborot vositalari va singlisining muxlislari e’tiborini yoqtirmaydi. Shuning uchun muxlislar Ezge bilan suratga tushish taklifini so‘rab borganda, u boshqa inson ekanini aytib, rad etadi.
Izoh (0)