Актёрлар суратга олиш майдончасида дублёрлари билан ишлаши мумкин. Айрим турк актёрлари эса суратга олиш жараёнларида дублёрлар билан эмас, ўз эгизаги билан иштирок этади. Эгизак машҳурлар бир-бирига шу қадар ўхшашки, ҳатто энг эътиборли томошабинлар ҳам уларни ажратишда қийналади. Қуйида шу каби эгизаги бор машҳур турк актёрлари ҳақида маълумот берилади.
Серкан Чаёғлу ва унинг акаси Эркан
“Гилос мавсуми”, “Кузей Гуней” ва “Узук” сериаллари юлдузининг эгизак укаси борлигини билармидингиз? Эркан укасидан 6 дақиқа катта. Кўпчилик эгизакларнинг ташқи кўринишида фарқ борлигини айтади: улар Серканни онасига, Эрканни эса отасига ўхшатишади. Эркан ҳақида кўп нарса маълум эмас, бироқ у аниқ актёр ёки модел эмас.
Бенсу Сорал ва унинг укаси Бедирхон
Бир қарашда Бенсу билан акаси Бедирхон ўртасида ўхшашлик кўп эмаслигини кўриш мумкин. Бироқ шунга қарамай эгизакларнинг бир-бирига ўхшаш умумий хусусиятлари аниқ кузатилади. Эгизаклар 1991 йилнинг 23 март санасида туғилган. Бенсу Сорал актриса сифатида мувафаққиятга эришаётган бўлса, унинг укаси блогерлик соҳасида машҳурликка эришмоқда. Бедирхон дастлаб актёр бўлишга ҳаракат қилди, бироқ нимадир сабаб билан бу йўналишни тарк этди. Бедирхон иккита лойиҳада рол ўйнади ва кейинроқ бу ғоядан воз кечди ва бошқа марраларни забт этиш учун актёрлик соҳасини тарк этди.
Сержан Бадур ва унинг эгизак акаси Жанер
Сержан Бадурнинг эгизак акаси шоу-бизнесдан йироқ, лекин у акасини қўллаб-қувватлашдан чарчамайди. Актёр эгизаги ҳақида: “Орамизда бир дақиқалик фарқ бор. У мендан олдин туғилган. Яхши ҳам у бор, у менинг ажралмас қисмим”, — дейди актёр. Сержан ҳозирга қадар 11 та лойиҳада суратга тушган, улар орасида энг машҳурлари “Биринчиси ва охиргиси”, “Гуллар изтироби” ва “Бебаҳо вақт” сериаллари. Актёр ҳозир ҳам кинодаги фаолиятини давом эттирмоқда.
Ҳазал Филиз Кучуккосе ва унинг эгизак синглиси Дениз
Ҳазал Филиз Кючуккосе синглиси Денизга икки томчи сувдек ўхшайди. Актриса синглиси билан тушган фотосуратларини мухлисларига тақдим этганида, улар эгизакларни бир-биридан ажрата олмайди. Ҳазал “Севги изтироби” сериалидаги роли билан машҳурликка эришди. Актриса ундан олдин “Совуқ”, “Ғолиб” ва “Эртак” лойиҳаларида суратга тушган. Ҳазалнинг синглиси Дениз шахсий ҳаёти ҳақидаги маълумотларни оммадан сир тутади, бироқ аниқ айтиш мумкинки, у актрисалик соҳасида фаолият юритмайди.
Идил Сивритепе ва унинг эгизак синглиси Пинар
Идил Сивритепе ва Пинар 1990 йилнинг 26 февралида туғилган. Идил Сивритепе актёрлик касбини танлади, шунинг учун у Туркияда машҳурликка эришди. Актёр мухлисларга “Қулупнай ҳиди”, “Истанбуллик келин” ва “Муҳаббат рецепти” сериалларидаги роллари билан яхши таниш. Бироқ унинг синглиси Пинар эътибор марказида бўлишни ёқтирмайди, шунинг учун ижтимоий тармоқларда у ҳақида деярли ҳеч қандай маълумот йўқ.
Ойку Караэл ва унинг эгизак синглиси Эзге
Ойку ва Эзгини энг эътиборли мухлислар ҳам бир-биридан ажрата олмайди. Ойку — “Муҳташам юз йил” телесериалида суратга тушганидан сўнг машҳурликка эришди. У “Кўсем”, “Пул ва гул ишқи”, “Кузей Гуней”, “Чанг”, “Юрак уриши” ва “Тақдирим ўйини” лойиҳаларида рол ижро этган. Унинг синглиси Эзге Караэл эса Мармарадаги тасвирий санъат факультетида ўқиган. Эзге дизайнерликда фаолият юритади. У оммавий ахборот воситалари ва синглисининг мухлислари эътиборини ёқтирмайди. Шунинг учун мухлислар Эзге билан суратга тушиш таклифини сўраб борганда, у бошқа инсон эканини айтиб, рад этади.
Изоҳ (0)