Ed Shiranning muxlislari orasida mashhur insonlar ham bor. “Tor: Sevgi va yashin” filmi yulduzi Kris Xemsvort britaniyalik xonandaning ashaddiy muxlisi, u shu yilning o‘zida uch marta Ed Shiranning konsertida ishtirok etdi.
Aktyorning ish jadvali tig‘iz, biroq u xonandani jonli efirda tinglashga vaqt topadi. Qishda Xemsvort Edning Avstraliyadagi ikkita konsert dasturida qatnashdi va yaqinda AQSHdagi shousiga bordi.
“Men muxlisman. Men uni ikki marta o‘z shahrimda ko‘rganman, chunki u Avstraliyada konsert bergan, keyin biz Nyu-Yorkka uchib ketdik”, — deydi aktyor.
Kris yaqinda bergan intervyusida shu haqda gapirib berdi.
Aslida, Kris Avstraliyaga ish uchun borgan edi, aktyor u yerda bosh rolni ijro etgan “Tayler Reyk: Qutqaruv operatsiyasi-2” filmini muxlislariga taqdim etdi.
“Premyeraga kelganimni aytishni istardim, ammo bu Ed Shiran uchun edi. Yana meni bu yerga bolalarim olib keldi, deb yozishim ham mumkin edi. Biroq bu yerga yolg‘iz o‘zim keldim”, — deydi Kris.
Shuningdek aktyor o‘zini Ed Shiran fan-klubining prezidenti deb atagan va avval qanday qilib bu xonandaning qo‘shiqlarini tinglamasdan yashaganini haqida aytgan.
Bu yil xonanda The Mathematics Tour bo‘yicha gastrol safariga chiqdi. Bu xonandaning so‘nggi albomlarini qo‘llab-quvvatlash uchun o‘tkazildi. Birinchi konsertlar fevral oyida Avstraliyaning Brisben shahrida bo‘lib o‘tdi.
Izoh (0)