Jahon kinosi yulduzi Al Pachino va uning 29 yoshli sevgilisi Nur Alfalla oilasida o‘g‘il farzand dunyoga keldi. Juftlik chaqaloqqa Roman deb ism qo‘ydi, deb xabar bermoqda “Pravila jizni” nashri.
“Al Pachino va Nur Alfallaning Roman Pachino ismli o‘g‘li borligini tasdiqlayman”, — deydi aktyorning matbuot kotibi Sten Rozenfild o‘z bayonotida.
Ma’lumotlarga ko‘ra, ularning ikkalasi ham ota-ona bo‘lganidan xursand. Juftlikni allaqachon Los-Anjelesdagi restoranda kechki ovqat paytida va shahar ko‘chalarida sayr qilayotgan vaqtda ko‘rishgan.
Pachino Nur bilan 2022-yilning aprel oyidan uchrasha boshlagan. Ommaviy axborot vositalarining xabar berishicha, model aktyordan oldin hozir 79 yoshda bo‘lgan Mik Jagger va 61 yoshli xayriyachi milliarder Nikolas Berggryuen bilan uchrashgan. Uning hozir 93 yoshni qarshilagan Klint Istvud bilan munosabatlari haqida ham mish-mishlar tarqalgan.
Al Pachinoning sobiq rafiqalaridan uch nafar: aktyorlik sohasi bo‘yicha o‘qituvchi Yan Tarrant bilan turmushidan qizi Juli va aktrisa Beverli D’Anjelodan bilan turmushidan hozirda 22 yoshda bo‘lgan Oliviya va Anton ismli egizaklari bor.
Ma’lumot uchun, Al Pachino 1940-yilning 25-aprelida Nyu-Yorkda tug‘ilgan. Kino olamidagi debyutini 1969-yilda “Men, Natali” filmidagi ikkinchi darajali rol bilan boshlagan. Muvaffaqiyatli kino karyerasidan tashqari, Al Pachino mashhur teatr aktyori hisoblanadi. U 1969-yil va 1977-yillarda mashhur “Toni” teatr mukofotlari bilan taqdirlangan. Aktyor faoliyati davomida “Cho‘qintirgan ota”, “Amerika farishtalari”, “Guchchi uyi”, “Ikkinchi imkoniyat” filmlari va ko‘plab loyihalarda suratga tushgan.
Izoh (0)