Saida Mirziyoyeva Xivada bo‘lib o‘tgan Abu Rayhon Beruniy nomidagi birinchi xalqaro kimyo olimpiadasi ishtirokchilari va g‘olib hamda sovrindorlarini tabrikladi.
Mazkur olimpiadada uch qitʼaning 16 davlatidan yosh olimlar ishtirok etdi.
“Bunday nufuzli xalqaro olimpiadalar vatanimizda bo‘lib o‘tishi bejiz emas. Prezidentimiz saʼy-harakatlari bilan ilmga va ilm ahliga munosabat o‘zgardi, olimlarning qadri tiklana boshladi. Taʼlimga yangi talablar qo‘yilyapti, butun tizim yangilanmoqda”, — dedi u.
Shuningdek, Mirziyoyeva olimpiadada ishtirok etgan yoshlar barcha tengdoshlari uchun o‘rnak va namuna bo‘lishini qayd etdi.
.jpg)
Xiva shahrida 11-17-iyun kunlari Maktabgacha va maktab ta’limi vazirligi tomonidan ilk marotaba Abu Rayhon Beruniy nomidagi xalqaro kimyo olimpiadasi tashkil etildi.
Unda Germaniya, Turkiya, Ozarbayjon, Hindiston, Vetnam, Jazoir, Braziliya, Belarus, Rossiya, Qozog‘iston, Oman sultonligi, Gruziya, Turkmaniston, Qirg‘iziston, Tojikiston, O‘zbekiston kabi mamlakat o‘quvchilari ishtirok etdi.
Shuningdek, olimpiadada faxriy mehmonlar, professorlar yosh bilimdonlar uchun mahorat darslari o‘tkazdi.
Abu Rayhon Beruniy nomidagi xalqaro kimyo olimpiadasining oltin medal sohiblari:
1. Mahmudov Abdulloh — O’zbekiston
2. Nazarov Azizbek — O’zbekiston
3. Efendiyev Rasul — Rossiya Federatsiyasi
4. Do Phy Quoc — Vetnam
5. Hakimova Shahzoda — O’zbekiston
6. Nguyen Nguyen Hai — Vetnam
7. Le Quang Truong — Vetnam
8. Nguyen Huu Tien Hung — Vetnam
Izoh (0)