Саида Мирзиёева Хивада бўлиб ўтган Абу Райҳон Беруний номидаги биринчи халқаро кимё олимпиадаси иштирокчилари ва ғолиб ҳамда совриндорларини табриклади.
Мазкур олимпиадада уч қитъанинг 16 давлатидан ёш олимлар иштирок этди.
“Бундай нуфузли халқаро олимпиадалар ватанимизда бўлиб ўтиши бежиз эмас. Президентимиз саъй-ҳаракатлари билан илмга ва илм аҳлига муносабат ўзгарди, олимларнинг қадри тиклана бошлади. Таълимга янги талаблар қўйиляпти, бутун тизим янгиланмоқда”, — деди у.
Шунингдек, Мирзиёева олимпиадада иштирок этган ёшлар барча тенгдошлари учун ўрнак ва намуна бўлишини қайд этди.
.jpg)
Хива шаҳрида 11-17 июнь кунлари Мактабгача ва мактаб таълими вазирлиги томонидан илк маротаба Абу Райҳон Беруний номидаги халқаро кимё олимпиадаси ташкил этилди.
Унда Германия, Туркия, Озарбайжон, Ҳиндистон, Ветнам, Жазоир, Бразилия, Беларусь, Россия, Қозоғистон, Оман султонлиги, Грузия, Туркманистон, Қирғизистон, Тожикистон, Ўзбекистон каби мамлакат ўқувчилари иштирок этди.
Шунингдек, олимпиадада фахрий меҳмонлар, профессорлар ёш билимдонлар учун маҳорат дарслари ўтказди.
Абу Райҳон Беруний номидаги халқаро кимё олимпиадасининг олтин медал соҳиблари:
1. Маҳмудов Абдуллоҳ — Ўзбекистон
2. Назаров Азизбек — Ўзбекистон
3. Эфендиев Расул — Россия Федерацияси
4. До Пҳй Қуоc — Ветнам
5. Ҳакимова Шаҳзода — Ўзбекистон
6. Нгуен Нгуен Ҳаи — Ветнам
7. Ле Қуанг Труонг — Ветнам
8. Нгуен Ҳуу Тиэн Ҳунг — Ветнам
Изоҳ (0)