Samarqand viloyatida 75 ming dollarga hokimiyat zaxirasida bo‘lgan yer maydonini sotmoqchi bo‘lgan erkak qo‘lga olindi. Bu haqda viloyat IIB axborot xizmati xabar berdi.
Aniqlanishicha, mazkur holat DXXning viloyat boshqarmasi hamda viloyat IIB xodimlari hamkorligidagi tadbirda fosh etilgan.
Toyloq tumanida yashovchi P.F. ismli erkak tumanning Madaniyat mahallasi hududida joylashgan hokimiyat zaxirasidagi 0,18 gektar yer maydonini boshqa fuqaroga 75 ming AQSH dollariga sotishini bildirgan. U Kadastr bo‘limida ishlovchi tanishlari orqali hujjat rasmiylashtirib berishini aytib, oldindan 15 ming dollar talab qilgan.
Holat yuzasidan fuqaro huquqni muhofaza qiluvchi organlarga murojaat qilib, P.F.ga qarshi chora ko‘rishni so‘ragan. Tezkor tadbirda erkak 15 ming dollar olayotganida ushlagan.
Izoh (0)