Жаҳон киноси юлдузи Ал Пачино ва унинг 29 ёшли севгилиси Нур Алфалла оиласида ўғил фарзанд дунёга келди. Жуфтлик чақалоққа Роман деб исм қўйди, деб хабар бермоқда “Правила жизни” нашри.
“Ал Пачино ва Нур Алфалланинг Роман Пачино исмли ўғли борлигини тасдиқлайман”, — дейди актёрнинг матбуот котиби Стен Розенфилд ўз баёнотида.
Маълумотларга кўра, уларнинг иккаласи ҳам ота-она бўлганидан хурсанд. Жуфтликни аллақачон Лос-Анжелесдаги ресторанда кечки овқат пайтида ва шаҳар кўчаларида сайр қилаётган вақтда кўришган.
Пачино Нур билан 2022 йилнинг апрель ойидан учраша бошлаган. Оммавий ахборот воситаларининг хабар беришича, модел актёрдан олдин ҳозир 79 ёшда бўлган Мик Жаггер ва 61 ёшли хайриячи миллиардер Николас Берггрюен билан учрашган. Унинг ҳозир 93 ёшни қаршилаган Клинт Иствуд билан муносабатлари ҳақида ҳам миш-мишлар тарқалган.
Ал Пачинонинг собиқ рафиқаларидан уч нафар: актёрлик соҳаси бўйича ўқитувчи Ян Таррант билан турмушидан қизи Жули ва актриса Беверли ДъАнжелодан билан турмушидан ҳозирда 22 ёшда бўлган Оливия ва Антон исмли эгизаклари бор.
Маълумот учун, Ал Пачино 1940 йилнинг 25 апрелида Нью-Йоркда туғилган. Кино оламидаги дебютини 1969 йилда “Мен, Натали” фильмидаги иккинчи даражали рол билан бошлаган. Муваффақиятли кино карьерасидан ташқари, Ал Пачино машҳур театр актёри ҳисобланади. У 1969 йил ва 1977 йилларда машҳур “Тони” театр мукофотлари билан тақдирланган. Актёр фаолияти давомида “Чўқинтирган ота”, “Америка фаришталари”, “Гуччи уйи”, “Иккинчи имконият” фильмлари ва кўплаб лойиҳаларда суратга тушган.
Изоҳ (0)