Yevropa Ittifoqi diplomatiyasi rahbari Xosep Borrel o‘n yillik qurolli to‘qnashuvlar va iqtisodiy inqirozdan aziyat chekayotgan Suriya xalqini qo‘llab-quvvatlashni davom ettirishga chaqirdi va 2023 va 2024-yillarda moliyaviy yordam ko‘rsatish rejalarini tasdiqladi.
"Shu bilan birga, qo‘shni davlatlar — Turkiya, Livan, Iordaniya, Misr va Iroqda yashovchi suriyalik qochqinlar va ularni qabul qiluvchi jamoalarning ehtiyojlarini ham unutmasligimiz kerak. Biz Suriya xalqi va mintaqaning umidini oqlashimiz kerak”, — dedi Borrel payshanba kuni Bryusselda Suriya va mintaqa kelajagi bo‘yicha xalqaro donorlar konferensiyasida.
“O‘tgan yili Yevropa Ittifoqi nomidan Suriyadagi fuqarolar hamda mintaqadagi qochqinlar, shuningdek, ularni qabul qiluvchi jamoalar manfaati yo‘lida 2023-yil taqvim yili uchun 1,5 milliard yevro ajratishga bergan va’damni yana bir bor tasdiqlaganimdan xursandman. Shuningdek, sizni ishontirib aytamanki, 2024-yil taqvim yili uchun YI 560 million yevro ajratadi”, — dedi Borrell.
Unga ko‘ra, mamlakatda yashovchi suriyaliklarning 90 foizi qashshoqlikdan, 60 foizi oziq-ovqat yetishmasligidan aziyat chekmoqda. “Afsuski, o‘tgan yil davomida BMTning maxsus elchisi Geyr Pedersenning tinimsiz sa’y-harakatlariga qaramay, Suriya mojarosini hal qilishda juda juda kam muvaffaqiyatga erishildi”, — dedi Yevropa diplomatiyasi rahbari.
Izoh (0)