Avstriyada dunyodagi eng qadimgi gazeta — Wiener Zeitung gazetasining qog‘ozli versiyasi yopilmoqda. Bu nashr davlatga tegishli bo‘lib, sifatli matbuot safiga kirar edi.
30-iyun kuni uning so‘nggi qog‘oz soni chiqadi, shundan so‘ng gazetani faqat internetda o‘qish mumkin bo‘ladi.
Tahririyatda shtat qisqarishlari kutilmoqda, uning o‘nlab xodimlari yangi ish qidirishga majbur.
“Wiener Zeitung gazetasi 1703-yildan beri mavjud. Bu yil yozda biz gazetaning 320 yilligini nishonlardik. Gazeta ko‘plab voqealarga guvoh bo‘lib, o‘z sahifalarida bu haqida xabarlar chop etgan. Inson huquqlari deklaratsiyasining matni ilk bor shu yerda bosilgan. Motsart va Betxoven kabi buyuk shaxslar bu gazetada e'lon bergan. Bu tarixiy xotira”, — deydi Wiyener Zeitung gazetasi bosh muharriri o‘rinbosari Yudit Belfkix.
Izoh (0)