Surxondaryo va Qashqadaryo viloyatida bo‘lajak hojilarni haj safariga kuzatish marosimi bo‘lib o‘tdi. Bu haqda xabar bergan viloyat hokimliklariga ko‘ra, joriy mavsumda Surxondaryodan 764 nafar, Qashqadaryodan esa 792 nafar otaxon va onaxonlar hajga yo‘l olgan.
“Bugun Termiz xalqaro aeroportida surxondaryolik bo‘lajak hojilarni muborak haj safariga kuzatish tadbiri bo‘lib o‘tdi. Unda viloyat hokimi Ulug‘bek Qosimov ishtirok etib, muborak safarga otlangan surxondaryoliklarga oq yo‘l tiladi”, — deydi viloyat hokimligi axborot xizmati rahbari Murodbek Davlatov.
Taʼkidlanishicha, viloyatda haj ziyoratiga boruvchi fuqarolar 2022-yilda 665 nafar kishini tashkil qilgan bo‘lsa, joriy mavsumda bu ko‘rsatkich 99 taga oshgan.
Qashqadaryo viloyati hokimligi axborot xizmatining “Daryo”ga bildirishicha, kecha Qarshi shahri hokimi Normo‘min Xolboyev boshchiligidagi masʼullar 792 nafar ziyoratchini Saudiya Arabistoniga kuzatib qo‘ygan.
.jpg)
Izoh (0)