Prezidentlikka nomzod Shavkat Mirziyoyev farg‘onalik saylovchilar bilan uchrashuvda tibbiyot sohasiga oid quyidagi rejalari haqida ma’lumot berdi.
“Sog‘liqni saqlash sohasiga e’tiborni yanada kuchaytiramiz. 2030 yilga qadar Farg‘onada 100 dan ortiq tibbiyot muassasalari quriladi va ta’mirlanadi. Sohaga xususiy sektorni keng jalb qilish orqali, yana 300 dan ziyod xususiy klinika faoliyati yo‘lga qo‘yiladi (ularning soni 1 ming 100 taga yetkaziladi)“, – dedi Shavkat Mirziyoyev.
Nomzod viloyatdagi endokrinologiya, urologiya va kardiologiya markazlari, shuningdek ko‘p tarmoqli shifoxona va tez tibbiy yordam xizmatini o‘z ichiga qamrab olgan mazkur klasterni barpo etishga 150 million dollar yo‘naltirilishini aytdi.
”Natijada, ushbu klaster tomonidan yiliga 100 ming nafar bemorlarga yuqori malakali tibbiy xizmatlar ko‘rsatilishi ta’minlanadi. Bugungi kunda viloyatdagi onkologik kasallikka chalingan 7 mingdan ortiq bemorlar nur terapiyasini olish uchun poytaxtga yoki qo‘shni viloyatlarga qatnashga majbur bo‘lmoqda. Shu bois, 10 million dollar sarmoya evaziga “Nur terapiya markazi” ishga tushiriladi”, — dedi Shavkat Mirziyoyev.
Izoh (0)