Prezidentlikka nomzod Shavkat Mirziyoyev farg‘onalik saylovchilar bilan uchrashuvda kelgusi yetti yilda viloyatda zamonaviy va hamyonbop uy-joylar qurish hajmi 3 karra oshirilishi haqida aytib o‘tdi.
“Xabaringiz bor, Farg‘ona shahrida 300 gektar maydonda yangi “Eko shahar” massivini barpo etishni boshlaganmiz. Ushbu hududning to‘rtdan bir qismi yoki 70 gektarida “Yangi O‘zbekiston bog‘i”, sun’iy ko‘l hamda istirohat bog‘i joylashadi. Bir so‘z bilan aytganda, bu shaharcha odamlarimiz yashashi uchun qulay, xavfsiz va bahavo maskanga aylanadi”, – dedi nomzod.
Shavkat Mirziyoyev ushbu shaharchada 15 ming xonadonga mo‘ljallangan 300 ta ko‘p qavatli uy-joylar foydalanishga topshirilishini aytdi.
“Umuman olganda, kelgusi yetti yilda viloyatda 2,5 mingta ko‘p qavatli uylar qurilishi hisobiga, 100 ming oila shinam uy-joyga ega bo‘ladi. Bunga barcha manbalar hisobidan 2,5 milliard dollar yo‘naltiriladi”, — dedi nomzod.
Izoh (0)