Президентликка номзод Шавкат Мирзиёев фарғоналик сайловчилар билан учрашувда келгуси етти йилда вилоятда замонавий ва ҳамёнбоп уй-жойлар қуриш ҳажми 3 карра оширилиши ҳақида айтиб ўтди.
“Хабарингиз бор, Фарғона шаҳрида 300 гектар майдонда янги “Эко шаҳар” массивини барпо этишни бошлаганмиз. Ушбу ҳудуднинг тўртдан бир қисми ёки 70 гектарида “Янги Ўзбекистон боғи”, сунъий кўл ҳамда истироҳат боғи жойлашади. Бир сўз билан айтганда, бу шаҳарча одамларимиз яшаши учун қулай, хавфсиз ва баҳаво масканга айланади”, – деди номзод.
Шавкат Мирзиёев ушбу шаҳарчада 15 минг хонадонга мўлжалланган 300 та кўп қаватли уй-жойлар фойдаланишга топширилишини айтди.
“Умуман олганда, келгуси етти йилда вилоятда 2,5 мингта кўп қаватли уйлар қурилиши ҳисобига, 100 минг оила шинам уй-жойга эга бўлади. Бунга барча манбалар ҳисобидан 2,5 миллиард доллар йўналтирилади”, — деди номзод.
Изоҳ (0)