Fransiyaning Parij shahrida tennis bo‘yicha o‘tkazilgan Rolan Garros musobaqasi finalida Novak Jokovich va Kasper Ruud o‘zaro to‘qnash keldi.
Serbiyalik tennischi Fransiya ochiq chempionati finalida niderlandiyalik raqibini uch setda 7:6, 6:3, 7:5 hisoblarida mag‘lub etdi va turnir chempioniga aylandi. Rolan Garrosdagi g‘alaba bilan Jokovich 2,3 million yevro ishlab oldi.
Bu g‘alaba bilan Novak Jokovich “Ulkan toj” musobaqalarining 23 karra g‘olibiga aylandi va bu natija bo‘yicha Rafael Nadaldan o‘tib ketib, mutlaq rekordchiga aylandi. Shuningdek, chempionlik tennischini jahon reytingida birinchi o‘ringa qaytardi.
22-may kuni 36 yoshni qarshi olgan Jokovich Rolan Garros musobaqasida g‘alaba qozongan eng yoshi katta tennischiga aylandi. U Rafael Nadalning rekordini 2 haftaga yangiladi.
Novak “Ulkan toj” turnirlarining har birida kamida uch martadan g‘alaba qozongan tarixdagi ilk tennischi bo‘ldi. Jokovich Australian Open’da 10 marta, Uimbldonda 7 marta, US Open va Rolan Garrosda uch martadan g‘olib bo‘lgan.
Avvalroq musobaqaning umumiy sovrin jamg‘armasi ma’lum qilingandi.
Izoh (0)