Futbol bo‘yicha milliy terma jamoalar o‘rtasida Markaziy Osiyo assotsiatsiyasi kubogi 1-turida O‘zbekiston terma jamoasi 11-iyun, yakshanba kuni Ummonga qarshi maydonga tushdi.
Uchrashuvning 7-daqiqasidayoq Jaloliddin Masharipov jarima zarbasini muvaffaqiyatli amalga oshirgan holda o‘zbekistonliklarni oldinga olib chiqdi. 24-daqiqada Masharipov dubl qayd etdi va hisobni ishonchli ko‘rinishga olib keldi.
Ikkinchi bo‘limda ham O‘zbekiston vakillari o‘yinni o‘z nazorati ostida ushladi. O‘yin yakunlanishi arafasida Hojiakbar Alijonov hisobni yirik ko‘rinishga olib keldi.
Guruhning narigi o‘yinida Tojikiston va Turkmaniston terma jamoalari 1:1 hisobda durang qayd etdi.
O‘zbekiston musobaqaning 2-turida 14-iyun kuni Turkmaniston bilan o‘ynaydi. Ummon esa Tojikistonga qarshi bahs olib boradi.
CAFA Nations Cup—2023
1-tur bahsi
11-iyun, yakshanba
O‘zbekiston – Ummon 3:0
Gollar: 1:0 – 7 Masharipov, 2:0 – 24 Masharipov, 3:0 – 89 Alijonov.
O‘zbekiston: O‘tkir Yusupov, Hojiakbar Alijonov, Abdulla Abdullayev, Farrux Sayfiyev (Abduqodir Husanov, 83), Sherzod Nasrullayev, Umarbek Eshmurodov, Otabek Shukurov, Jamshid Iskandarov (Sardor Sobirxo‘jayev, 60), Odil Hamrobekov (Jasur Yaxshiboyev, 73), Oston O‘runov (Abbosbek Fayzullayev, 73), Jaloliddin Masharipov (Hojimat Erkinov, 60).
Ummon: Ibrohim al-Muhayni, Arshad al-Alavi (Abdulloh Favaz, 46), Juma al-Habsi, Ahmad al-Hamisi, Issam as-Sabhi (Mahmud al-Mushaifri, 65), Zohir Akbari (Abdul Rahmon al-Mushaifri, 85), Umar al-Malki (Muhsin al-G‘assoni, 46), Jamil al-Yahmadi, 1Ahmad al-Kaabi, Saloh al-Yahyoi, G‘arib as-Saadi.
Tojikiston – Turkmaniston 1:1
Gollar: 0:1 – 57 Annayev, 1:1 – 86 Hamroqulov.
Izoh (0)