“Manchester Siti” “Inter”ni mag‘lub etib, Chempionlar Ligasi g‘olibiga aylandi

Futbol bo‘yicha Yevropa Chempionlar Ligasining finalida “Manchester Siti” va “Inter” jamoalari 10-iyun, shanba kuni o‘zaro to‘qnash keldi.

Uchrashuvning birinchi bo‘limida hisob ochilmadi. 36-daqiqada “shaharliklar”ning asosiy futbolchilaridan biri bo‘lgan Kevin de Bryuyne jarohat olib, maydonni tark etdi. Uning o‘rnini Fil Foden egalladi. Ikkinchi bo‘limda ingliz jamoasi faollikni oshirdi va 68-daqiqada hisobni ochdi. Rodri o‘z hisobiga gol yozdirib qo‘ydi.

Ushbu gol o‘yinda yagonaligicha qoldi va Pep Gvardiola shogirdlari 2022/23-yilgi mavsum Yevropa Chempionlar Ligasi g‘olibiga aylandi. Qayd etib o‘tish joiz, “Manchester Siti” o‘z tarixida ilk bor Chempionlar Ligasini qo‘lga kiritdi.

YCHL

Final

10-iyun, shanba

“Manchester Siti” (Angliya) – “Inter” (Italiya) 1:0

Gol: 1:0 – 68 Rodri.

“Manchester Siti”: Ederson, Ake, Ruben Diash, Akanji, Stounz (Uoker, 82), Gundo‘g‘an, de Bryuyne (Foden, 36), Grilish, Bernardu Silva, Rodri, Holand.

“Inter”: Onana, Dumfris (Bellanova, 76), Darmian (D’Ambrozio, 84), Acherbi, Bastoni (Gozens, 76), Dimarko, Brozovich, Chalhano‘g‘lu (Mxitaryan, 84), Barella, Jeko (Lukaku, 57), Martines.

Ogohlantirishlar: Barella (59), Lukaku (83), Onana (90), Holand (90).