Франциянинг Париж шаҳрида теннис бўйича ўтказилган Ролан Гаррос мусобақаси финалида Новак Жокович ва Каспер Рууд ўзаро тўқнаш келди.
Сербиялик теннисчи Франция очиқ чемпионати финалида нидерландиялик рақибини уч сетда 7:6, 6:3, 7:5 ҳисобларида мағлуб этди ва турнир чемпионига айланди. Ролан Гарросдаги ғалаба билан Жокович 2,3 миллион евро ишлаб олди.
Бу ғалаба билан Новак Жокович “Улкан тож” мусобақаларининг 23 карра ғолибига айланди ва бу натижа бўйича Рафаэль Надалдан ўтиб кетиб, мутлақ рекордчига айланди. Шунингдек, чемпионлик теннисчини жаҳон рейтингида биринчи ўринга қайтарди.
22 май куни 36 ёшни қарши олган Жокович Ролан Гаррос мусобақасида ғалаба қозонган энг ёши катта теннисчига айланди. У Рафаэль Надалнинг рекордини 2 ҳафтага янгилади.
Новак “Улкан тож” турнирларининг ҳар бирида камида уч мартадан ғалаба қозонган тарихдаги илк теннисчи бўлди. Жокович Australian Open’да 10 марта, Уимблдонда 7 марта, US Open ва Ролан Гарросда уч мартадан ғолиб бўлган.
Аввалроқ мусобақанинг умумий соврин жамғармаси маълум қилинганди.
Изоҳ (0)