UFC 289. Charlz Oliveyra 1-raunddayoq Dariushni nokautga uchratdi, Amanda Nunyes faoliyatidagi so‘nggi jangini g‘alaba bilan yakunladi

Kanadaning Vankuver shahrida O‘zbekiston vaqti bilan 11-iyun tongida UFC 289 musobaqasi bo‘lib o‘tdi.

Musobaqaning asosiy jangi ayollar o‘ta yengil vazn toifasi chempioni Amanda Nunyes (23-5) va Iren Aldana (14-7) o‘rtasida kechdi. 5 raund davom etgan jangda Nunyesning qo‘li baland keldi. Mazkur jangdan keyin Nunyes faoliyatini yakunlaganini ma’lum qildi.

Yana bilan asosiy janglardan biri yengil vazn toifasi vakillari Charlz Oliveyra (34-9) va Beneil Dariush (22-5-1) ishtirokida bo‘lib o‘tdi. Jangning birinchi raundida Oliveyra raqibini nokautga uchratdi.

Shu va boshqa janglar natijasi bilan quyidagi tanishing:

Asosiy kard

Amanda Nunyes ochkolar evaziga Irene Aldanani yengdi;

Charlz Oliveyra 1-raundda Beneil Dariushni nokaut qildi;

Mayk Melott 2-raundda sabmishen bilan Adam Fyujittni yutdi;

Den Ige ochkolar evaziga Neyt Landverdan ustun keldi;

Mark-Andre Barrio ochkolar evaziga Erik Andersni mag‘lub etdi.

Prelim kard

Nasurdin Imavov va Kris Kyortis o‘rtasidagi jang boshlar to‘qnashuvi sabab 2-raundda to‘xtatildi. Jang o‘tkazilmagan deb topildi;

Jasmin Yasudavichyus ochkolar evaziga Miranda Maverikni yutdi;

Ayemann Zahabi 1-raundda Silen Aojini nokaut qildi;

Kayl Nelson ochkolar evaziga Bleyk Bilderni yengdi;

Stiv Erseg ochkolar evaziga David Dvorjakni mag‘lub etdi;

Diana Belbita ochkolar evaziga Mariya Oliveyrani yutdi.