MDH mamlakatlari agressiv tashqi bosimga qarshi kurashishda kuchlarni birlashtirishi muhim ahamiyatga ega. Bu haqda jurnalistlarga MDH bosh kotibi Sergey Lebedev ma’lum qildi.
1-iyun kuni Minskda MDHga a’zo davlatlar xavfsizlik organlari va maxsus xizmatlari rahbarlari kengashining 52-yig‘ilishi boshlandi.
“Minsk bejizga hamdo‘stlik poytaxti deb atalmagan. Bu yerda o‘zaro aloqalarimiz va hamkorligimizga bag‘ishlangan ko‘plab uchrashuvlar muntazam o‘tkazib turiladi.
Bugungi kunda Belarus, Rossiya va boshqa MDH davlatlari kuchli va agressiv bosim ostida bo‘lib turgan paytda bu, ayniqsa, aktual. Biz hamdo‘stlik mamlakatlari suvereniteti va mustaqilligini himoya qilish uchun ushbu tahdid va bosimlarga qarshi kurashishda kuchlarni birlashtirishimiz juda muhim”, — dedi Sergey Lebedev.
MDH bosh kotibi ta’kidlaganidek, hozirda Belarus va Rossiya hududida teraktlar va qo‘poruvchilik harakatlariga urinishlar kuzatilmoqda. “Maxsus xizmatlar va xavfsizlik idoralari rahbarlari ushbu yangi chaqiriq va tahdidlarga qarshi birgalikdagi chora-tadbirlarni muhokama qilish uchun yig‘ilishdi. Umid qilamanki, bugungi yig‘ilishda terrorizm va suverenitetimizga tajovuzga qarshi kurashish bilan bog‘liq ko‘plab masalalar ko‘rib chiqiladi, xavfsizligimiz yanada mustahkamlandi”, — deya xulosa qildi Sergey Lebedev.
Izoh (0)