Finlyandiyaning yangi hukumati rossiyalik sayohatchilar uchun mamlakatga kirish cheklovlarini uzaytiradi. Bu haqda hukumatni shakllantirish bo‘yicha muzokaralar rahbari Petteri Orpo ma’lum qildi.
Uning ta’kidlashicha, bunday qaror qabul qilinishi tabiiy edi. 2022-yilda kiritilgan cheklovlar amaldagi hukumat ketishi bilan bekor bo‘ladi, biroq yangi hukumat cheklovlarni uzaytiradi.
Avvalroq Finlyandiya chegarachilari cheklovlarga qaramay, mamlakatga kelishda davom etayotgan rossiyalik sayyohlar oldida ojiz qolgani xabar qilingandi. Bundan tashqari, Rossiyaga hashamatli tovarlar yoki qiymati 300 yevrodan (24 ming rubl) ortiq bo‘lgan tovarlarni eksport qilishni taqiqlovchi Yevropa Ittifoqi sanksiyalarini ham ruslar osonlik bilan aylanib o‘tayotgani ma‘lum bo‘lgandi.
Bundan tashqari, fevral oyi ma’lumotlariga ko‘ra, ruslar Finlyandiyaga borishni xohlovchilar orasida chempion bo‘lishgan — 2022-yilda rus sayyohlari Finlyandiya vizasini olish uchun 113 mingdan ortiq ariza topshirgan. Bu haqda The Rambler nashri xabar bermoqda.
Izoh (0)