МДҲ мамлакатлари агрессив ташқи босимга қарши курашишда кучларни бирлаштириши муҳим аҳамиятга эга. Бу ҳақда журналистларга МДҲ бош котиби Сергей Лебедев маълум қилди.
1 июнь куни Минскда МДҲга аъзо давлатлар хавфсизлик органлари ва махсус хизматлари раҳбарлари кенгашининг 52-йиғилиши бошланди.
“Минск бежизга ҳамдўстлик пойтахти деб аталмаган. Бу ерда ўзаро алоқаларимиз ва ҳамкорлигимизга бағишланган кўплаб учрашувлар мунтазам ўтказиб турилади.
Бугунги кунда Беларусь, Россия ва бошқа МДҲ давлатлари кучли ва агрессив босим остида бўлиб турган пайтда бу, айниқса, актуал. Биз ҳамдўстлик мамлакатлари суверенитети ва мустақиллигини ҳимоя қилиш учун ушбу таҳдид ва босимларга қарши курашишда кучларни бирлаштиришимиз жуда муҳим”, — деди Сергей Лебедев.
МДҲ бош котиби таъкидлаганидек, ҳозирда Беларусь ва Россия ҳудудида терактлар ва қўпорувчилик ҳаракатларига уринишлар кузатилмоқда. “Махсус хизматлар ва хавфсизлик идоралари раҳбарлари ушбу янги чақириқ ва таҳдидларга қарши биргаликдаги чора-тадбирларни муҳокама қилиш учун йиғилишди. Умид қиламанки, бугунги йиғилишда терроризм ва суверенитетимизга тажовузга қарши курашиш билан боғлиқ кўплаб масалалар кўриб чиқилади, хавфсизлигимиз янада мустаҳкамланди”, — дея хулоса қилди Сергей Лебедев.
Изоҳ (0)