O‘zbekistonda ilk marta elektromobillar yo‘nalishsiz taksi xizmatini ko‘rsatadi, deb xabar bermoqda Transport vazirligi axborot xizmati.
Unga ko‘ra, ushbu xizmatni Buxoroga 30 ta elektromobil olib kelgan White House Bukhara MCHJ korxonasi ko‘rsatadi. Eko-taksilar to‘la quvvat bilan 500 kilometrdan ortiq masofani bosib o‘tadi. Yaqin orada tashuvchi parkiga yana 20 ta elektromobil kelib qo‘shiladi.
Ma’lumot uchun, prezidentning 2022-yil 19-dekabrdagi qaroriga muvofiq, elektromobillar va gibrid avtomobillarda yo‘lovchilarni tashish xizmatlarini ko‘rsatuvchi jismoniy va yuridik shaxslar 2030-yil 1-yanvarga qadar litsenziya varaqalari berilgani uchun davlat bojini to‘lashdan ozod etilgan.
Izoh (0)